Magnús Skúlason

Ástæðan fyrir þessum skrifum.

Skráning einstaklinga á lögheimilisfang.

Það virðist vera að hver sem er og hvaðan sem hann kemur geti skráð sig með lögheimili hvar sem honum sýnist, hvort sem hann er íslenskur eða erlendur ríkisborgari. Viðkomandi finnur sér bara hentugt heimilisfang og skráir það sem lögheimili sitt og spyr ekki kóng, prest eða viðkomandi rétthafa lögheimilis um leyfi fyrir þessum gjörning. Síðan fer allskyns póstur að streyma inná heimili rétthafa lögheimilis sem ég ætla að kalla - "RL"  héðan í frá. - Það er síðan sett á herðar "RL" að losna undan þessum óþægindum. Til þess þarf hann að fara á skrifstofur borgarinnar og fá þar sérstakt eyðublað fylla það út og leggja það inn til afgreiðslu. Á meðan streymir ruslið inn um lúguna hjá "RL" og dólgarnir sem settu  "RL"  í þetta vesen eru bankandi uppá til að spyrja um póstinn sinn og það að því er virðist alveg meðvitaðir um það hvað þeir hafa gert "RL" með þessu háttalagi. Það hlýtur að hvarfla að manni að þeir séu að reyna að forðast einhvern eða einhverja með þessu móti. --Kannski yfirvöld, eða rukkara, eða hvorutveggja?- Þarna eru þeir komnir með ágætis stað til að sækja póstinn sinn á í ró og næði eða þar til  "RL" grípur í taumana og þá er bara farið og fundið nýtt heimilisfang til að hrella með þessu móti, Þetta virðast þeir komast upp með án þess að yfirvöld kanni það eitthvað nánar. -Gagnrýni mín er þessi.-  "Að ekki skuli þurfa skriflegt samþykki  (Rétthafa lögheimilis) fyrir svona  tilfærslu á lögheimili.

M.S.